自然風 with airbrush (短髮新娘系列)

(with authorization from Carmen)

結婚, 不一定要留長頭髮

當然, 長髮可以令我set 到很多造型

除非, 你有試過長髮, 而你有剛巧big day 前剪了, 又留唔切….只要你的頭髮不太碎, 長度到頸 ~ at least 過耳仔兩吋….其實都可以配合真.假髮為你set 到好多頭 ~ 又唔會太假; 以下幾個新娘子, 都係短髮的, 長度是耳仔對落兩吋左右:

但我覺得, 如你一向都係爽朗短髮, 朋友都看慣了…..你忽然在big day 扮長髮, 真係未必每位朋友都會覺得你靚 ~ 唔好講靚添…有啲人直情會覺得你好唔自然!

如你短得嚟, 又碎…..其實用唔到假髮的….因冇乜真髮去舖在面層, 成個造型又假又勉強.

Carmen 就是這樣的case, 嚟試妝時, 根本就是boy cut, 又碎又短…到big day 時. 後區仍是又碎又短, 好彩蔭就留到到鼻位…..最重要是, 她不用扮長髮, 只要將佢本身的短髮, 梳得整齊就得.

所以, 在沒有加任何假髮下, 為她造了一個all time classic 的包髻 ~ 整齊得嚟, 又可以formal 點. 亦不會令人覺得, 佢係扮長髮的勉強look.

還有, Carmen 平日都冇化開妝的, 所以一切盡量簡潔 ~ 我欣賞的, 正是她可以接受自己不完美的地方….let it be! 底妝用air brush 造得薄貼自然就好….眼睛, 雖然有點小, 有點下垂…但不打緊..只要矯到兩隻眼balance就ok.

化妝, 好多時係要取捨的; 如你要自然, 似自己, 就要接受自己的缺點不能太貪心; 只係改走最大的問題就好. 我們不是model, 未必可以carry 到百變的造型, 而我亦唔覺得婚禮係出show ~ 所以揾到一個啱自己的, 就夠la.

我們的WEBSITE: www.TaStyling.com

如有問題, 亦可email 我們: info.TaStyling@gmail.com

TaStyling.com