幾年前我初初考到潛水牌, 第一次出埠玩, 就識到幾位潛水腳….之後…我哋每年都總會約埋出去玩…由得十幾個log潛到幾百個log….一齊暈船浪…一齊玩到LOCK錶…..好多得意嘅事都係同佢哋見證.

 

就係識咗咁耐….佢哋見識過我嘅 “英姿”=大隻…漸漸地忘記我都係位 “弱不禁風”嘅女子

. 漸漸哋對我非常恨心.

 

明明隻船在老遠….有快艇嚟接…佢哋都唔比我上去

A: TA, 你讓咗你身邊嘅女仔上先….

TATA: 好…但你哋轉頭會嚟接番我架嘛?

A: 當然….(開艇走開, 再講)….其實仲要接嗰邊啲DIVERS…你咁大隻, 自~己~游~番~去 ~ ~ ~

好家伙…太了解我…如果早比我知道唔會載埋我…我死都要上埋隻艇…最多咪OVERLOAD…沉咪沉囉…我最鍾意一拍兩散架啦……奸得佢開走咗先講.

嗰鑊…我要逆流游足45分鐘…先埋到隻大船, 腳都震埋….仲要比太陽晒濃咗塊面.

 

明明我都頂流頂到半條命出盡力 ‘WEAR’住啲礁石.….但班 “好友”就當我係人肉礁石…A “WEAR”住我…B 就 “WEAR”住A….即係我要顧多兩個人…..上到水問佢哋….你哋唔識 “WEAR”住啲石咩…造乜WEAR住我….答案係: 你就手啲嘛…咁大隻…頂得住嘅.

 

 

之後…又係頂流…C + D見A同B之前玩得咁開心…又嚟 “尋我開心”…仲要擺出V字手勢, 叫A影相…..冇人性架!!!

 

又話要請潛水MODEL影相…咁我話等我嚟造MODEL囉…班衰人居然唔識貨…叫我慳啲 ~ 因邊有咁大隻嘅MODEL!!!

 

 

今年, 我變了…我決定要造有公主病的港女! (大隻嘅女仔都可以有公主病嘅!)

 

 

老實講, 我信佢哋…佢哋話去得過就去…我只付了團費…其他一概不管.

 

忙完工作, 都要開始執行李…忽然發覺有好多問題….就急CALL A

A: 你問嘅所有問題, 我比你嗰份MEMO咪有晒囉

TATA: 係咩..冇睇喎 (理直氣壯)

A: 咁你睇吓喇

TATA: 我唔識字..你口述..

A: ……(吐血)

TATA: 好….仲有我話你知…我唔記得帶乜嘢, 到時就會攞你嗰啲嚟用 (打橫行)

A: 咁我用乜?

TATA: 唔理得你架喇…你自己同DIVE SHOP 租囉.

 

 

又忽然收到CC比的機票DISCOUNT….話來回馬尼拉只要$8xx…我爛叻又打比B, 睇吓可唔可以攞到咧個discount:

 

B: 你知唔知我哋嘅目的地唔係馬尼拉?

TATA: 唔知(又係理直氣壯)….唔係去馬尼拉就冇洩底了…好彩唶!! (其實去邊個位, 我到家陣都未搞清)

 

B見我10 得太緊要….唔放心, 打電話提我去PICK UP早前攞咗去維修嘅GEARS

TATA: 你攞咗未?

B: 當然攞咗

TATA: 有冇搞錯..你冇義氣….咁都唔同我攞埋 (發爛渣….但人家又唔順路…點解要同你攞埋?!….但我唔理!!!)

B: 小姐…張維收單你自己KEEP住…我點同你攞???

TATA: 我唔理….我家陣就FAX張單比你, 你同我搞掂佢. (氣勢凌人

)

B: ………我…我….放工同你攞…..

 

 

原來…好多嘢…打橫嚟就得!!!

 

 

TO 眾團友…請記住…我是位可怕的港女…唔好再當我係男人.