深層去斑 ( FOR 荷爾蒙斑) ~ 激光深層淨白 (不會結焦, 但次數要多點)
去淺層斑 (FOR雀斑) ~ 激光去斑 (會結焦, 但次數少)
兩隻我都啱啱各造過1次
先講深層去斑…這機可以醫生造 (貴啲), 可以美容師造….朋友說, 美容師造的GOOD ENOUGH, 況且, 這機係要造多幾次先見到明顯EFFECT….所以唔駛用盡啲彈藥揾醫生.
原來彩光不能去深層斑的. 有啲人仲話, 佢會令深層斑變得更壞
造時嘅感覺
l 打一PART 15分鐘.
l 在清潔的面上直接打
l 感覺有啲吉吉哋….
l 如你造過彩光, 佢跟彩光嘅感覺差唔多….但會痛小小.
l 不過有啲位, 造彩光時會痛到飛起….但佢就冇. 成程嘅 “痛”係平均的
l 如你未造過彩光, 佢嘅感覺都有啲似你針清暗瘡後, 美容師用電棒電暗瘡位嗰啲感覺.
l 我個人覺得, 清黑頭仲痛 (但聲明, 我係好怕針清嗰啲痛架)
打完之後
l 會給你敷個COOL DOWN 水份MASK
l 咁啲熱熱嘅感覺就冇晒
效果
l 即時效果, 同冇造之前一樣
l 但第2朝醒來, 覺得膚色均勻咗好多…底層嘅色素真係冇咁顯眼
l 皮膚光澤咗
l 有眼利的朋友見到我, 都有問: 點解你嘅膚色好咗嘅
護理
l 基本上冇特別嘢要注意 + 事後護理
l 之後你要化妝都得架
l 皮膚會覺得乾, 所以勁用自己用開的補濕修護SKIN CARE就得
Sorry 本來唔打算寫打斑的, 所以冇特別影相. 好在打斑後, 寫過篇妝文, 就用嗰張相跟張舊相作對比
To be fair, 看相的Before After 分別係誇咗啲…我覺得係我影before 啲光係差啲, 所以皮膚看起來都冇咁好. 總之有改善, 但唔係相中咁誇.