自少我已是雀斑妹

好耐之前 (都有5年以上), 我打過彩光去斑…都去到40% 的雀斑, 但再冇進步; 況且費用頗高, 我亦收手了.

 

5年來, 我沒有放棄我的戶外活動, 只是我有小心造防曬.

沒有特別用美白產品, 除非潛水後, 曬到面色發黃, 才用一段時間

美白用品, 對我來說, 係去黃only, 唔係去斑

 

這些年, 斑是有點長回來, 但都比以前少一點, 淺一點

所以我學會了跟它們共處

況且, 皮膚本身健康, 加上底妝ok, 影相唔多覺有斑就good la.

 

但近年, 好像有點荷爾蒙斑

那些斑會是1小達的色素, 較雀斑淺色, 但相對地在深層點的皮膚

每當月經前會深色啲, 之後又會自動淡番

朋友說, 如不及早處理, 會越嚟越大達 + 變黑.

 

本來諗住遲啲先算 ~ 因我怕療程會好痛

 

但最近發現自己長了3點…..可惡到極…將3點連埋, 係可以造個等邊3角型….不多, 不少….駛唔駛咁別緻呢?!

加上朋友都勸我, 要趁荷爾蒙斑未失控前, 就要將佢料理, 否則手尾長. 未來嘅療程會更慘.

 

打斑的念頭又再次燃起. 得朋友介紹, 我到她光顧的clinic去造療程. 她雖已過退休年齡, 但皮膚又白有滑, 仲好緊緻. 她說, 她已是4年前打的, 但到家吓, 仍好好. 所以我即管一試.

 

我可是真金白銀去幫襯的, 所以絕冇要寫好佢, OR去sell 這間clinic. 況且, 亦不打算說是那家clinic 了. 因我覺得:

 

1)   打斑費用不少的, 要幾千元1次 (你想真是否值得, 而不是由我告訴你是否值得)

2)   始終會有風險

3)   總有consultant　去sell 你都幾煩 (好在我朋友幫我檔晒, 只助我買有需要的療程)

 

化妝品, 護膚品, 都係幾百…你看了我的blog 買了, 覺得 “瀨嘢”, 都係小損失

但打斑..真的瀨咗嘢…無論金錢 + 肉體都係大傷害

這責任太大了

 

總之我會跟你分享我的感受, 覺得OK, 覺得你負擔到 (金錢 + 風險), 你就去揾間有信喻的CLINIC 去造吧. 最好仲係你真係識嘅朋友介紹嗰啲.