這回的NARS Workshop, 化妝品我買得不多, 但 “出乎意外”, 我買咗3樣其他產品 (產品詳情, 請refer to NARS官方網站哦).
l EPA Cream
l Eye cream
l Primer
由於我太花心…在家會分早.晚, 以及當天的皮膚狀況, 用上不同牌子的skincare. 而NARS的skincare, 除Aqua gel外, 我都有用佢哋嘅cleanser, toner, serum同cream的. 感覺都幾好(但入秋後會比較適合我, 因佢哋嘅serum同cream幾rich)
早前NARS 給MEMBER 送上SAMPLE SIZE 的EPA Cream and serum…可能嗰時天氣未凍, 真係笠到死….我直情頂唔住, 要走去問番啲BA….隻PRODUCT真係咁笠嘅咩??? 之後佢哋就教我加啲Aqua gel 溝稀佢. 但都係好肥膩吓…所以我一直冇打算買.
NARS 15 Anniversary, IVY 老師比我更早去捧場…並告訴我, 她在NARS EPA SERUM 好好用…Uzo 都係咁講…仲話佢比Aqua Gel 好 (佢會漸漸代替Aqua Gel 嘅地位)…..唔係吔…..掂過Aqua Gel?!
我如實同Uzo講…EPA 笠到冇人有喎, 晚上都頂佢唔住…如早上用佢再化妝…溶都似……..佢笑笑口同我講: 我知…好多人都係咁講…..但唔好話你哋…連我哋嘅化妝師, 好多都唔知要用嘅份量真係好少, 好少…..(佢唧咗如半粒綠豆嘅份量比我)….你用咁少就夠成面…只係搽嗰時, 你要用手嘅熱力MASSAGE EPA入塊面…
哦…真係一啲都唔笠了…好滑添. (之後幾日的早上都有用佢, 就上粉底. 而家天氣乾, 我必會mix Aqua Gel落粉底….但這幾天, 冇mix…但啲粉依然好貼…成日都好好)
不得不講…Uzo一講到啲人用EPA嘅份量太多, 就會好激動….連續狂唧EPA (真係一大PAT)…..佢話咁多, 成身都夠….之後…就用TISSUE 抹去….我睇到眼都凸….早知你比我即席搽身又好…打包返屋企又好…咁貴嘅嘢你反正都抹走……說時遲, 那時快…佢又忽然激動….又再次唧多嘢….我直請大叫 “WAIT”….但佢已進入忘我狀況….冇聽到我慘叫….又好快咁抹走…….粗略估計…如佢抹走的比咗我…夠我用1個月了.
在workshop時, 上咗底妝冇耐, 我的眼部已起了好多紋….年紀大 + 天氣乾 + 粉亦可能多了點…真係出事…..我問Uzo點算……佢就用PRIMER BASE同我抹咗啲粉…再上EYE CREAM….再上番PIMER 先上FOUNDATION…..掂晒….乾紋即時冇晒 (佢只同我造了一邊…..嗰邊我回家後CHECK…都係超貼粉的)……唔駛講…買.
我問Uzo, 為什麼佢唔會用 eye cream 去抹掉眼肚掉下來的粉, 而是用primer (在zing, 他是教我們用 eye cream 去抹的 ~ 因眼部皮膚好嬌嫩, 要好好保護, 用eye cream 去抹, 比較冇咁刺激)
Uzo話:
l 首先 PRIMER平好多..你豪用都得 (仲有NARS 的PRIMER 就算好近眼搽, 都冇乸眼的)
l EYE CREAM 有渡入成份….你用佢抹走啲嘢時, 你亦間接將啲化妝品渡入你嘅皮膚…唔係咁好
l 相反, 用PRIMER, 你可以抹就啲殘妝, 亦可抵擋佢哋滲入你皮膚.
至於佢哋嘅EYE CREAM…就係潤而不膩, 亦有去腫收緊嘅作用…上妝前最好…佢會令眼妝好薄貼.
講到咁堅….買.買!!!