第二天, 用了 5000 yen 買了pass 加多 8xx yen 坐romantic car (只係特快, 但唔知點解會叫 “romantic”) 去箱根. 5000yen 包了火車, 巴士, 船, 吊車的費用, 好抵玩.

 

 

天都未光就上車. 我哋又影……啲飯盒好好味

 

落咗火車, 就轉巴士….但山路好崎嶇, 搞到我跟lamb 大暈車浪…好彩在嘔之前落車.

 

 

但見到啲湖景咁靚…又好快 “活過來”. 之後就行咗段松柏大道去碼頭.

 

 

 

 

 

原來碼頭位就係 “箱根驛傳”嘅終點 (日本大學每年一度的馬拉松大賽…我哋每朝起身get ready時, 都看見新聞在報導)

 

 

我跟博士研究下 (嚟2月, 我哋就會爆渣打馬拉松), 得出以下結論:

人哋1步 = 我哋5步 (無論步速, or 步距都係) ~ 我哋學唔到

人哋男生條腿係我哋嘅1/2 有多 ~ 我哋減唔到

人哋一過終點就暈 ~ le part 我哋 CAN!!!

 

輸就梗架LA….但都要買條勝利毛巾 “旺吓個勢” ~ 本年的優勝者係早稻田.

 

之後又坐船, 兩岸風景美麗得很

 

 

 

 

 

 

 

又坐吊車上山…有雪哦…好凍哦

 

 

看…富士山哦!!!

 

 

原本, FINAL DESTINATION 會在早雲山浸溫泉 ~

但結果最冇靈氣的我大膽提出: 喂, 而家回東京, 仲可以SHOP 多幾粒鐘喎!

一眾好友大聲叫: 好!!!

 

就係咁….3件冇乜靈氣, 但又愛扮有知識, 有深度嘅女子..又再次在新宿各大百貨墮落去.

 

 

日本買嘅多數係衫…冇乜好講…

 

但買咗啲小玩意…就同大家分享吓 (但香港都可能出咗…)

 

 

 

咧隻梳頭假狗 (用來令頭頂有volume)…我買咗好耐….香港有…大陸更平…不用$10…但其實唔好用…會穿崩(啲釘唔多唔少會凸少少出嚟…係就係唔多覺, 但我就係唔鐘意)…要lock實佢要小小技巧.

 

 

見到咧款像bra pad的物體…一試 ~ 正喎….佢係用魔術貼造…自然痴住頭髮….唔識落pin都唔會甩. 亦唔會穿崩. 只係end of day, 要慢慢攞佢落嚟…因佢痴得啲頭髮好實.

 

 

另外就係咧隻瞓覺襪…香港都有得賣了….我買長嗰款…笠到上大髀. 佢真係有效舒緩腳部疲勞 (起碼shop 足咁多日, 都頂得住..以往, 我一早行唔郁了). 同第2朝小腿冇咁腫. 回來連同我按摩多年的姐姐都話我小腿slim咗 (可能少了水腫).

 

 

而這隻hair spray神奇之處係一啲都唔笠, 亦唔會變硬. 唔知佢有啲乜成份, 令卷髮充滿空氣感…..最重要係hold到啲孿耐好多….1day都得. 有時見啲頭髮直直哋…揸幾吓啲髮尾…跟住又會回複舊觀.

 

 

這隻gel look top coat是我看了雜誌嘅推介….同自己講去到日本必買…但買了, 覺得有啲揾笨, 仲要差唔多$200….真係後悔 (慘到我仲入咗啲造手信…..收到嘅朋友…sorry…係你唔好彩!!!)

你問我搽咗佢, 會唔會變gel甲feel…我就唔覺得有太大分別喎 (搽咗4浸先有啲嘢睇)…佢只係有啲似普通嘅光油. 啲甲色係會 “襟”啲….側邊位冇咁易裂…..但裂咗咪再搽過囉…搽咗佢, 頂多挨多兩.三日jer…….早知係咁…我唔會買佢.

 

LAST but not least, 在Artisan & Artistic 出咗好多血…但最可愛嘅係佢…絕對係外表斯文, 內裡open嘅design….好得!!!

 

 

 

 

一落機就買…買完就食……食.買.瞓係每日指定動作.

 

 

 

唯一 “課外活動” 就是到東京大神宮參拜….無他…博士說這廟很靈光….我當然唔可以比佢好運過我…一於死跟…..就係咁…由中午有太陽, 排到天都黑齊…小說都有3小時…我這生人未排過咁耐….

 

 

 

 

排隊時, 廟宇員工還貼心地送上暖袋…..

 

一面排…我哋一面對4週的人評頭品足…

TA: 哈…這位日本妹好溫柔喎…唔講嘢都笑咪咪的….

博士: 佢係哨牙架

TA: …..女版哨牙TON???

 

TA: 哇…前面嗰位靚仔喎!

博士: 咁你快啲逼埋去, 我同你影張相…算係新年攞個頭彩! (我真係逼咗上去影相….老娘並不是省油的燈!)

 

博士: 死仔, 成日撞到我 (好逼)…

但天黑後, 寒風陣陣…係博士 “主動”貼埋前面嘅 “死仔” ~ 檔吓風都好.

 

到後期, 覺得自己好似北極企鵝群嘅一員…盡量逼呀…逼呀… “進入” 人群嘅中央, 讓外圍嘅勇士為我們檔風.

 

 

我哋冇特別去邊揾嘢食….但覺得新宿高島屋13-14樓嘅餐廳都好好…..唔駛揾來揾去.

 

13樓的炸豬扒令人感動 (嗰間shop 只賣炸豬扒的). 皮脆肉嫩…..禁不住說句: 豬有豬味喎…..除厚切炸豬扒, cheese 炸豬扒都係一絕.

 

 

 

14樓的壽司店最令我哋驚喜. 窮家女又要食得好…去到高級餐廳, 但只係叫最抵食的WEEKEND SPEICAL (2000Yen)…..有10件…新鮮好味到極. 好似內裡嘅海膽, 單叫要差唔多1000Yen. 食完…同博士對望….打了個眼色……2話不說, 要食多份.

 

 

連店員都好驚訝…揾人嚟問多次…係咪要多1份? 當然唔係…係每人1份!!! 跟住店員又同老板講….老板對住我哋發出 “係真唔係真呀???” 嘅眼神….搞到我都面紅了….係…我係大食…..但冇罪嘅!

 

之後老板就走到service我哋嘅壽司師傅前, 講了好多嘢 ~ sorry….我唔識聽…只看到壽司師傅亦有發出: “係真唔係真呀???”嘅眼神

 

原來老板非常貼心 (我真係感動到不得了, 博士直情想以身相許!!!), 話想我哋試吓佢哋其他嘅壽司, 所以同我哋tailor made 咗份…..內裡嘅壽司超貴的…有啲單叫都要1000yen以上…..哇…..但都係收我哋定食價….走嗰時, 仲送咗隻好靚嘅杯比我哋…….

 

原來女仔大食都係有著數的. 果然, 拜了神, 真的行運!

去到最後嗰餐…財赤嘅關係, 我食杯麫…但這隻係超好食的 (上次去, 都特別買咗啲回香港), 只在7-11有. 還有在高島屋買, 燒得好好嘅雞亦!!!

 

 

 

仲有餃子….不得不再讚員工的細心…我買了兩隻味…佢將佢哋打橫.打直擺以示不同口味不特只…仲要手寫了張便條……

 

 

 

在日本最後的一餐, 係簡單…但都係令我好 “感動”哦!!!

終於體驗到乜嘢叫財散人安樂…..從日本回來….買到彈盡糧絕…

 

買咗好多…好多….但亦從未試過行街行得咁爽 (冇人催我)…這都是要多謝識途老馬 ~ 博士嘅安排….我可以唔駛攞住重dup dup 的東京攻略週圍去…亦可以安然到達目的地.

 

基本上這個旅程的主要目的, 就是買福袋, 搶減價靚衫….化妝品, 都有買咗少少 (遲啲再介紹)….買福袋就如賭博…你唔知啲嘢會係乜…博一博…價錢絕對抵…只是貨品未必啱你心水. 但好彩, 我99%的都啱駛!

 

Best buy 的福袋…是Addidas by Stella Mccartney…我唔多愛買名牌衫, 但佢嘅設計真係深得我心…好少女…..discount 高達80% off….仲要係last 2個都比我搶到手 ~ 好有成功感!

 

要買好嘢…我哋都會在開店前1小時去排隊…所以…風景相冇乜….排隊相大把!

 

 

 

買到….見到香港人就認朋友 ~ “可唔可以睇吓你嘅福袋有啲乜”…..  “邊間啲貨得手”….. “可唔可以幫我排住隊先” …係我成日問嘅事…足見4海之內皆兄弟.

 

買到….太over 了..一地都係…連記者都走來訪問 ~ 博士同記者合照留念

 

 

 

買到….hotel房都冇路行….啲嘢根本冇可能塞晒落喼….好在博士教路 (殿堂級嘅敗家精並不是浪得虛名)…教我買了好幾個不用吸塵機都可以壓平的真空袋……就算厚厚的大衣都放晒入喼!

 

 

 

表演將6大袋嘢 + 1個滿到瀉的喼 (冇可能拉得埋)…變為3小袋 ~ 未滿的 (其實2袋滿嘅都得) + 1個輕易拉得埋嘅喼.

 

 

 

放心喎…我luggage冇over 到…..安然回歸. (世界上有post office + 同airline 預先買luggage嘛)