住的RESORT 風景不錯….雖然房間好簡陋, 但每間都有無敵海景.

 

 

這回同全潛水界最百厭的球球同行…佢諗嘅嘢…係 “常人”諗唔到…胆亦生滿毛. 話說, 我哋問準DM, 可以帶食物去餵魚….但RESORT 冇尤魚…球球問: 係咪要啲韌嘅嘢就得….大家話係……佢就話: 用蛇咪得囉!!!

 

蛇?! 原來佢之前嗰日在團友房門口, 見到條蛇…貪得意捉咗佢..仲 “收埋咗” (佢放咗落1個大的石屎盤內……)

 

就係咁…佢走咗去 “劏”蛇….

 

 

以為佢胆生毛到 “空手引蛇”去劏…佢又唔係喎… “醒目”嘅佢係先用啲石離遠DUP 暈條蛇….先走去剪頭….咁就 “大屠殺”成功.

 

而佢亦 “愛妻情深” ~ 話說佢同阿嫂在菲律賓慶祝結婚28年….佢特意捉咗隻琵琶蝦 “加餸”.

 

我哋係搭中午機走…早上仲走去參觀魚市場. 嗰度係主要TUNA 出產地….家陣係休魚期, 產量唔多, 但都夠晒我哋開眼界….仲有好大條的旗魚,. 1條大TUNA, 只要HKD650.

 

 

另一面的魚市場, 就係賣細魚的…..見到條bb 長尾鯊….真係心都痛哦….

 

 

再去高地 tea 1 tea…..個garden 好靚架!

 

 

 

 

論潛水睇嘅嘢…冇太多直得推薦, 但總算係個開心又relax嘅假期.

 

雖然, 我啲潛水腳仲係唔當我係女人, 冇憐香惜玉…但同佢哋, 我感受到樂天知命

 

停電…熱到飛起 ~ 但大可以清清楚楚看到天上繁星

冇電視 ~ 大家圍埋吹吹水

門口有蛇 ~ 捉去餵魚

冇特別嘅魚睇 ~ 比啲心機影吓nemo (佢哋周圍都係…但好難影得靚)

水濁視野差 ~ 咪影多啲細嘢, close up

 

抵我 “跟”咗你哋咁多年.

由於潛水, 我到過菲律賓無數次…. 這回去的地方叫General Santos….點解會去…只得兩個原因:

1.   昨年中買的機票EARLY BIRD, 只用$900….所以我哋就揀咗菲律賓最南的城市~GS…感覺抵嘛

2.   仲有…去過的朋友話…嗰道係出產tuna….dinner 有鹽燒tuna魚頭食….tuna 魚頭好貴的….窮家女為品嚐此美食…唔駛諗…去. (我哋食咗好多tuna, 但冇影相…因食物1到…就被 “消滅”)

 

先飛大約2小時到馬尼拉, 再飛差唔多2小時就到GS. 嗰道…真係好鄉下…RESORT好細..我哋1行6人就霸晒成間RESORT. 房間好簡陋, 但間間無敵海景.

 

潛點不怎樣….但直得1提的, 是沒有divers 的…所以在十幾米都可以見到很大的海扇, 軟珊瑚….可是因曾經過度捕魚…魚的品種不算多或好精奇.

 

 

因大家都是玩咗好耐的潛水腳, 所以全程非常 “自由”….我可以慢慢學影相. 這回落本買了外置閃光燈 + 團友指導下…都影到啲相. 但好多嘢仍在摸索中….

 

 

 

 

 

比團友教咗1輪…資質差嘅我…都用咗M MODE 影…算係1大進化. 但我都係唔明乜叫光圈.快門…只知1個向左SET 會光啲….1個向下SET 會暗啲…..

 

 

 

執相….唔駛旨意我咧世會識. 總之影到乜就係乜.

 

但都有 “撞棍”嘅時侯….偶有佳作的 ~ 我覺得最ok 嘅 “大作”:

 

 

 

 

 

 

總係覺得佢好似隻烏蠅….醜, 但cute喎!

 

 

 

仲有啲超微細嘅生物 (小於1cm) ~ 我幾好眼力 + 細心架 (只限於玩樂上)