這個潛水假期都係幾好彩…出發前已知道菲律賓剛被颱風摧殘…又有幾個新颱風嚟…所以我都打定輸數…分分鍾冇得落水.
去到馬尼拉真係心都寒埋…因啲雨大到飛起…飛機又遇上氣流…嚇到啲小朋友叫晒…..但從馬尼拉再飛Dumaguete時… 有乘客嘔到極之淒厲因流更勁…但逐漸見到晴天. 果然, Dumaguete不算萬里無雲, 但總算好天
…正直中秋…團長就帶我們去town食咗餐勁的….味道不錯…我哋碟碟清. 決定最後嗰晚再去encore.
第一天就在resort附近潛, 之後兩天都去了APO ISLAND
…同另一班要走的divers傾開…佢哋早幾日只可以玩drifting (隨著大流漂…冇乜嘢睇)….所以我係非常行運了. 最好係潛水嗰3天都係好天…只係完咗LAST DIVE…個海就起浪 + 落大雨.
但我唔記得帶相機的散光板…所以只有用電桶打光….我出名影相差…家陣影啲嘢仲更加恐怖…
好好的一條frog fish….比我影到7月14….猛鬼回魂咁…之後…”借用”團友的相機再影 (我話過嘛…我冇帶就攞人哋啲嚟用)…..才似番條 “魚”.
但我寄預厚望的團友 (加埋我6人)…第一天的攝影運就全軍全部覆沒….2名入水浸壞機total loss….3名閃燈不受控…我就唔記得帶散光板 = 架機就係半廢了.…真係見鬼了.
第二日…仲有機用的幾位就續漸回勇….都有影到啲靚相…等佢哋edit好啲相比我再同大家分享. 而我, 亦強搶咗團友的散光板…都影埋一份!!!
可惜….見鬼2再嚟….last嗰day…又有相機遇瀝身亡….這個trip…總共陣亡咗3部.
Last day 我哋再去encore食海鮮…..各人一顯蝗蟲本色……各位海鮮…你哋嘅犧牲係值得嘅. 亦响咧個咁happy嘅時間….差啲 “浸死”埋第4部機…..因團友一時激動….整個相機跌咗落窩龍蝦湯道……好彩啲湯都飲咗好多….部機都救得番.
仲有…..我居然起到身影日出… 咪當我係流架!!!!