這幾季, 都興比較清爽的妝容; 比起5-6年前, 濃濃的smokey 同厚睫毛, 真係差好遠. 而同好多化妝之友分享, 大家都覺得CANMAKE 係性價比好高的品牌. 裝容效果都係甜美的, 但如果你又想在CHRISTMAS PARTY 季節, 變得美艷啲, CANMAKE 當季的幾樣產品, 都可以幫到你.

唇膏

新品 Melty Luminous Rouge 柔潤亮澤唇膏 新色04 Caramel Terracotta 焦糖陶土色、05 Strawberry Mocha 草莓朱古力啡. 佢好FLIEXIBLE顏色可薄可濃. 即係, 搽一次嘅效果, 會好透; 但你搽多一次, 就會實色啲. 同埋佢有潤唇功能, 可以幫你KEEP 住咀唇的水份; 所以啱晒冬天用.

這系仲有好多色, 例如最百搭的珊瑚色和少女系的粉紅色.

眼線

近年, 我好喜歡幼身嘅眼線筆. 一來夠精準, 2來, 我覺得粗身的更易控制. Creamy Touch Liner柔滑眼線筆以柔滑質感見稱，筆芯只有1.5毫米(用嚟填補睫毛的罅隙都得)。 新色04 Garnet Burgundy 酒紅色，又真係幾特別。

你不用擔心佢有紅的成份, 就會令你看起來眼腫; 但為咗放大眼睛, 你最好先用黑或深啡色的眼線筆勾好眼型, 再緊貼你畫好的黑或啡眼線上, 畫上Garnet Burgundy. 其實你可以不用eyeshadow, 都可以造到一個很不錯的妝容. 所以非常方便又特別.

胭脂

現在人人都喜歡水光感, 而Glow Fleur Cheeks 11 Chai Fleur奶茶粉紅, 佢淡粉紅色, 帶上柔和的珠光. 令你達到水光感, 但又不會變成18銅人咁over.

對於毛孔大的人來說, 用亮光的產品, 好易送佢一程, 更凸顯毛孔問題. 所以, 一定要用的話, 選用粉狀的比較好. 而Glow Fleur Cheeks的亮光係柔和的, 佢可以透過折射效果, 淡化毛孔添. 佢亦有添加一些護膚成份, 令妝用更貼服.

其他

Mascara

首先係梳型擦頭的Quick Lash Curler (brown); 佢既係打底 (mascara base), 又係睫毛液; 可以keep 到卷曲, 亦防水.

另一款係主打濃密的Gokubuto Mascara (brown). 佢最好係可以用溫水就落到; 但同時都可以防水同防汗.

我係先搽Quick Lash Curler 再上Gokubuto Mascara. 一整天都KEEP 到卷曲, 同冇化開.

Quick Lash Curler Remover

化開妝的人, 多數到覺得落mascara 好煩, 而Quick Lash Curler Remover就係你的恩物. 佢仲有好多營養, 同你補番勞碌咗一天的睫毛.

我通上一回家, 就搽佢. 之後就搞其他嘢. 待幾分鐘, 再用佢把梳梳通啲睫毛. 之後, 只要用eye makeup remover 一抹, 即落清. 唔駛似之前, 要用eye makeup remover 敷完又敷, 先抹得清.

眼影

Perfect Multi Eyes 05 Almond Mocha, 係百搭系的大地色. 佢仲可以化埋眉, 眼線同打鼻影. 因為加入jojoba oil, grape seed oil 等美肌成份, 所以眼妝好貼服, 不易掉粉.

粉餅

唔駛多講, 就單馮佢有SPF50 PA+++, 就要介紹 ~ 化妝妝都要補防曬架…用佢就得. 當然, 佢啲粉質都好細滑同貼服, 都值得一讚!