多謝cc的安排, 我可以參加一班好有heart的演藝學院學生搞的話劇. 最難得是美指要求的不是一般的舞台妝 ~ 而是充滿creative的化妝….好玩得很.

 

 

連續3天…我們都到葵青劇院化妝.

 

 

我們沒有試妝的安排….第一次化 = 公演的第一日.

有14位演員….我哋要在2.5小時, 連妝帶set頭

 

時間有限…又未化過…好多嘢都未能完美….好在有ivy老師當指導, 總算ok嘅. 我咧幾日造到顛咗…屈指一算, 第一天人手不夠, 我總共化咗6位演員…..第二.三天好點…化3-4位就得再加補妝. 所以效果都好啲.

 

 

 

這班演員很有活力…很pro..好認真的造好自己嘅job…最重要的是很有禮貌又friendly…..跟他們合作了3天都非常開心.

 

在碼頭與眾伯伯都有火花, 面對著一班年青人…我當然 ~ 又出事了.

 

第一篇: 絲襪男

 

這回…我 “無心” (其實係冇文化)嘅表現…令眾人 “愕然”

Edith: TATA, 趕時間化唔切…幫手化個靚仔呢

Tata: 咁益我…好…化邊位 (嗰時我已化到short 咗)

Edith: Antonio

Tata: 即係邊位? (sorry…我冇乜拜讀過沙翁的名著…..對故事內容.人物結構=0….雖然美指給我們的化妝大綱有簡介…但….我就只記得啲妝, 就係唔記得啲人名)

Edith: 海盜呀…..笠住襪嗰個呀…..(因造型係咁…但對襪要我哋畫出嚟)

Tata: 哦….係絲襪男…..(大聲叫) 絲襪男過嚟化妝呀 (係…好多人…所以大家要“叫”人埋位…..我冇演員的演技…但大嗓子 ~　我有)

 

全場靜晒….(有烏鴉飛過)….跟住就係大家爆笑聲….

 

我仲未 “醒覺”我咁失禮…仲傻吓傻吓問…. “我講得唔啱咩”

 

海盜: 你好…我係SAM….演安東尼奧

Tata: 哦…你就係演絲襪男 (真死蠢….仲係咁唔醒目)

 

之後….好多角色都有了 “別號” – 我強調有啲名唔係我改架…

同絲襪男平分春色的係方格男 (仲比佢啲同學笑佢畫咗個實用率好差嘅室內間格响面)

 

第二篇: 翻白眼

 

主角: HANKS (合作了3天…終於識得叫演員啲名…..我認…我冇文化…我早兩日都係叫佢 “屎塔蓋”)

HANKS飾演Sir Andrew ~ 係一個自以為聰明, 實質蠢到死嘅人….美指要我同佢整個阿旺的屎塔蓋頭….所以因此得名.

 

Edith註: tata差唔多成團人都比你改過晒啲名喇…..

 

第一天

化妝中….要畫眼線

Tata: 向上望

Hanks: (翻白眼…就如戲中演盲俠的演員咁….)

 

Taat: 向上望呀…唔係翻白眼呀

Hanks: 咪向上望緊囉

Tata: 你係咪玩auntie呀?!

Hanks: 冇呀….真係望緊

Tata: (看見佢好 “努力”咁翻白眼….雲 “精” 的青根都彪埋出嚟…..我心裡暗說:  算啦~ )

 

第二天

化妝中….又要畫眼線

Tata: 向上望

Hanks: (翻白眼…就如戲中演盲俠的演員咁….)

Tata: (暗地裡同自己講:~ 算喇…佢真係唔知咩叫造向上望…..)

 

 

第三天

我每天回家, 都會反醒有乜造得唔好…再加上 “好勝心強”…..last day, 當然要造得perfect……所以我有備而嚟

 

化妝中….又又要畫眼線

Tata: 向上望

Hanks: (翻白眼…就如戲中演盲俠的演員咁….)

Tata: 你知唔知向上望唔係咁架 (學番佢翻白眼個樣比佢睇)

Hanks: 咁即係要點

Tata: 你幻想吓對面街有人跳樓…你抬頭睇嘢係點架

Hanks: (終於成功造到”向上望”…以佢向上望的角度….嗰位輕生者應由IFC頂樓跳!)

Tata: 咁咪啱囉…..乖…向上望喇…但唔駛抬得咁高

Hanks: (又翻白眼)

Tata: 滴汗 + 無言 (暗地裡同自己講: 你認命喇)

 

 

 

本以為沙翁的 “名著”會悶死人…但這班年青人將它改得很現代…真係好有趣…好多位, 你估唔到佢哋可以咁放. 公演咗5場…都是FULL HOUSE…真的PROUD OF THEM!

 

給這班對演藝事業咁有HEART的年青人溶化了.

….看著你們全力以赴…..身為”姐姐”的我…定當會好好鞭策自己…希望不久將來…能再於你們合作.