又收到Marco兩張相. Model 是Nicoline. Stylist 係阿寶.
有STYLIST 坐陣的相真係會好唔同…在衣著上係大膽又創新好多.
這回的相…又是另一種風格.
真的好佩服Marco…..為什麼可以影出咁多唔同風格嘅嘢….但都係靚架喎….
不得不說….Marco的 STUDIO 用嘅器材係好新.好勁
但都要佢懂得用
用得啱
化妝都係
你有錢買好嘅化妝品
都要你懂得用
用得啱
MACRO 影得咁好, 但仍會繼續學習, 繼續去鑽研…
只要你對自己有要求….永遠都係學無止境的…
今晚剛考完Advance的試…差不多3個幾月的課程終於完結了
.
雖然未出成績, 不知能pass 冇….但應該ok嘅….因冇比導師Ricky批得太恨….he …he….只是 “不太恨”…但批當然有….
又是好運的日子….本來我唯一的憂慮係要化外籍人士…對喇…我這老土的井底之蛙從未化過外籍人士…不知我所識的能否應付…..天有眼….抽籤後…還是抽中了位中國model….連導師Janis都笑著說: 咁你唔駛死喇….對…好彩.好彩.
其實今次model的質素比上次Fundamental時好好多….美女如雲….有的像Amanda S….有的像ViVi的日本model….當然我的model Hawaii都不弱….好彩.好彩.
題目: 用由年代妝學回來的技巧化靚佢
Hawaii青春無敵…我愛的smokey不適合她的…要甜美…所以只化了眼的輪廓, cross over瑪麗皇后妝.
多得Ricky每次路過都比了不少意見我去改良….令我領俉到 “眼光”係好重要….他沒動過手替我畫….我只是跟他的意見去改…..真的越變越好…..
證明有些技巧我是懂的…但判斷力不夠…這在未來的日子, 我會多加留意, 一定要改善.
從攝影師的角度, 偷影的
再偷影他的mon
P.S.
我很少同model修眉…因一失手, 人家會即時破相….況且, 我覺得咁修靚唶…model未必覺得…..修眉還是找專業的brow bar嘛….
但考試不能有失…真的齌靠畫不能夠….只有硬著頭皮問Hawaii可否比我修一吓….多謝佢二話不說就話: 好呀…..好彩.好彩.
近來很少post我練妝的相…因沒什麼特別的可以講.
但今天練習後…有感而發…..為什麼呢 ~ 就是用或不用雙眼皮膠紙的問題.
從來, 都是有兩派之爭 ~
l 貼: 台式化妝幾乎是必備的…要眼大…要balance….貼是必然
l 不貼: 自然派…有時都可用其他技巧補救, 如: 用眼線, 假睫毛等.
以前每位老師都會要我貼膠紙去改善眼型….直至到zing…他是不主張的…在他眼裡, 小眼睛也是一種美….大細眼也沒問題. 所以在課程內, 不會教貼膠紙.
我其實沒有 “宗旨”
….只視乎客人意願. (牆頭草 ~ 擺呀 ~ 擺呀~)
l 的確貼膠紙快.靚.正, 但我頂多造到你開眼時看不到膠紙…但向下望時…必定有點 “膠紙”走出來……(曾經有客人要求我要貼到她閉上眼時, 人家都看不見…
)
l 也許我技術未精….不是每個人都可以貼得成功. 亦真的有些人的眼皮 “藏不了” 膠紙….我怎樣剪, 試盡每個 “可以貼”的位都冇用.
l 有些女孩…的確加了眼線, 用點深少少色的眼影, 再加睫毛…真的貼或不貼的分別不大.
昨天請Elaine來當model……你們看看貼了, 還是不貼好?
這個妝只是用了點眼影造陰影位, 再加勁眼線
化了smokey, 雙眼更大
左面的是很久以前化的吊眼妝(沒貼膠紙)….但都頗濃, 有點smokey感覺….所以拿來同今天的smokey (有貼膠紙)對比.
p.s. Elaine, 你瘦咗又靚咗好多哦!!!!
TIPS:
1. 導師 KERRY說, 若要眼睛balance.大…但又不想化妝時貼膠紙….咁你可以每天臨睡前貼…第二天出街前才抿走….日子有功…你的眼型會得到改善.
2. 而問題不太大的人, 就算只貼一晚….效果足夠last一日.
知到Timmy很多時會同外國的model合作….所以我曾厚顏同Timmy提出…如他再同外國model合作時….請給我一個機會…..我這井底之蛙未試過化外國model哦.
多謝Timmy記得我…..星期6忽然約我星期日去影相……我當然即時 “lur”飯應…開心到不得了.
知道影外景 ~ 在西九的貨櫃碼頭…我著到去海灘游水咁….搽晒太陽油…又帽又太陽鏡…..
Leisha給我的感覺很親切又PRO ~ 在公廁替她化妝冇問題..在OPEN AREA換衫都得. 她是美國的model, 現到上海造嘢…佢profile啲相好靚….這張就是造Esprit model 時影的…..
原來professional model時時都會將profile帶在身邊的…..她問我有冇帶profile ~ 我好lor咁話冇
~ 我只有網上profile…像她那樣pro的 ~ 仍未製作. 佢又好好人咁教我去邊到買相簿, 同要點整.
由於我4點要上堂….大家都好遷就我….3小時, 由起妝.行去碼頭. 影相. 再轉了兩次妝, 再影…..效率超高.
鳴謝碼頭的伯伯借出佢嘅地方比我哋轉妝….有瓦遮頭…否則嗰頭化嗰頭溶…我死梗.
必定是Leisha 靚女, 碼頭越來越多伯伯….仲帶埋啤酒+茶點來 “一面睇, 一面食”…
伯伯A: 陰公囉….咁晒…晒黑咗靚女鬼妹點算
TATA: 放心…有搽防晒架
伯伯B: 阿陳…鬼妹靚女咁鐘意你隻貓…你不如送咗比佢啦
伯伯C: 好呀….靚女 (好話啦…就係本人
)…你同鬼妹靚女問吓佢要唔要.
TATA: 多謝你先…但佢只係留响香港幾日就走架喇
伯伯D: 啤酒夠凍….大家嚟飲番杯喇
TATA: 多謝, 唔駛啦…醉咗點算
伯伯D: 醉咗面紅紅…影相仲靚
TATA: 佢飲咗酒就靚…咁我咪唔駛撈?!
伯伯D: 咁又係喎
伯伯E: 咁你自己篤舊叉燒食吓啦 (說時遲, 那時快…..伯伯化身美少女廚神, 親自餵食)
TATA: 唔駛啦…~ 嘩…MODEL啲妝溶, 我要去補妝 (借妝遁)
多謝大家送我一個快樂的經驗….
臨走, 熱情的伯伯們還叫我哋多啲去影相
TO 眾伯伯….I WILL BE BACK…..但下次可唔可以雪定啲汽水比我…我唔飲啤酒架.
今天LAMB去飲, 順道嚟比我化妝…她選了NARS 的Jolie Poupee…我再用Night Fight + Night Breed來畫聚位, 令眼妝更有層次.
由於晚上我要去一位中學同學的生日派對….而除了主人翁….雖然其他人都 “應該是”我的同學….但我真的記不起…因我自中3後便離開香港….再沒跟她們見過…..
今天師兄仔Deep特然回校練妝, 但比model放飛機 …咁厚顏嘅我就自薦造他的model, 好讓自己有個靚樣去跟”闊別多年”的同學見面…..哈…面子尤關….機不容失!
妝的很美吧…..化妝真是 Magic
